Тел Авив, 18 март 2013 (МИА) – Американскиот претседател Барак Обама ќе се вози во Ерусалим во „подвижна тврдина“ и околу 5.000 полицајци ќе се грижат за неговата безбедност.
Неговиот безбедносен тим нема намера да ризикува и затоа е одбрано возилото „ѕвер“ за кое израелски дописник од Вашингтон вели дека е всушност тенк претворен во автомобил, тврдина на тркала.
Обама доаѓа во историска посета на Израел в среда и ќе биде таму 48 часа. Во конвојот за обезбедување се и две возила од кои секое чини 300.000 долари.
„Ѕвер“ е најзначајна и најнова промена во претседателската процедура за безбедност и претставен беше на инаугурацијата во 2008 година, кога тој рече дека личи на авион Боинг.
Возилото е заштитено од хемиско и биолошко оружје, прозорците се отпорни на куршуми, а вратите направени од челик, алуминиум, титан и порцелан да штитат од експлозиви подметнати на пат и ракетен оган.
Гумите може да функционираат и кога ќе се продупчат, а во багажникот има боци со кислород.
Полицискиот генерал Нисим Мор вели дека подготовките траат веќе еден месец и нема простор за грешка. По пристигнувањето на Бен Гурион крај Тел Авив, Обама во Ерусалим ќе допатува со претседателски хеликоптер, на средба со претседателот на Израел, Шимон Перес.