Пекинг, 4 април 2013 (МИА) – Кинеската армија е во состојба на зголемена борбена готовност и прави планови за одговор во случај на засилување на тензиите на Корејскиот полуостров, јави ДПА повикувајќи се на извори.
Кинески генерали стравуваат за безбедноста на севернокорејските нуклеарни објекти од евентуален бран бегалци кон Кина, изјави изворот кој имал средби со неколку генерали.
Тие исто така стравуваат дека воинствената реторика на Пјонгјанг може да доведе до случајна воена конфронтација која ќе го вовлече Корејскиот полуостров.
Плановите за реагирање во непредвидени ситуации даваат можност кинески сили да навлезат во Северна Кореја ако биде предизвикан судир, за да гарантираат безбедност на севернокорејски нуклеарни објекти и да спречат евентуална нуклеарна катастрофа. Засега непотврдени се информациите дека Кина испратила засилување во близина на границата со Северна Кореја.