Монтре, 22 јануари 2014 (МИА) - Во швајцарскиот град Монтре почна меѓународната конференција за Сирија, Женева-2.
Форумот беше отворен од генералниот секретар на Обединетите нации Бан Ки-мун.
На конференцијата учествуваат министрите за надворешни работи на 40 држави, меѓу кои Русија и САД, претставници на сириската Влада и на сириската опозиција.
Бан пред делегатите изрази надеж дека конференцијата ќе го постави почетокот на мировниот процес во Сирија.
Тој им се заблагодари на учесниците, што ја прифатиле неговата покана за учество на конференцијата.
- Сергеј Лавров и Џон Кери напорно работеа заедно со мене и со другите наши партнери за да стигнеме до тука, додаде Бан.
Тој ги повика сириската Влада и опозицијата да ја искористат ова можност без преседан за да ја променат судбината на сирискиот народ.
- По три години крвопролевања во Сирија денеска се собравме тука за да постигнеме мир. Прв пат претставници на Владата, на опозицијата и на меѓународната заедница се на една маса, за да најдат излез од кризата, нагласи Бан.