Вашингтон, 22 април 2014 (МИА) - Американскиот државен секретар Џон Кери зборувајќи за сложените предизвици со кои Вашингтон денес се соочува како што е украинската криза, односите со Русија, ситуацијата на Блискиот Исток, оцени дека „било полесно“ за време на Студената војна.
- Во текот на студената војна... беше полесно отколку денес. Изборите беа помалку разновидни, помалку комплицирани, беа појасни: комунизам, демократија, Запад, Исток, железната завеса, истакна Кери во Стејт департментот.
Тој посочи дека „радикалниот ислам и премногу пропаднати држави, драматично го закомплицирале пејсажот, барајќи таква дипломатска прецизност која апсолутно не била потребна повеќе децении“.