Вашингтон, 31 јули 2014 (МИА) - САД ја повикаа Кина веднаш да прекине со праксата на земање органи за трансплантација од затвореници.
Надворешно-политичкиот одбор при Претставничкиот дом на Конгресот усвои резолуција, во која се наведува дека постојат „потврдни извештаи“ дека кинеската држава одобрува недоброволно земање органи од голем број членови на движењето Фалун Гонг, кое е забрането во 1999 година, како и од други верски и етнички малцински заедници.
Кина ваквите обвинувања од САД ги смета за „лажни и неодговорни“.
Организации за заштита на човековите права ја критикуваа Кина поради земањето органи од егзекутирани затвореници за трансплантација. Властите во Пекинг во 2012 година најавија дека оваа пракса ќе биде укината за три до пет години.