Тајландската хунта уапси генерал

Бангкок, 31 јули 2014 (МИА) – Генерал на тајландската армија сношти е уапсен поради тоа што ги уценувал и изнудувал пари од уличните продавачи и макроа во познатиот кварт на Бангкок Патпонг, каде што е центарот за масажи и проституција.

Генерал-мајорот  Џенронарог Детван (56)  е најстариот офицер на тајландската армија кој до сега е уапсен под обвиненија за ваков вид криминал.

Уапсениот генерал за себе собирал дополнителни средства од макроата и продавачите на часовници, торби и куфери. Го пријавиле оштетените, но тој во првата изјава тврди дека е невин.

Воената хунта ја смени цивилната власт во Тајланд на 22 мај годинава. Портпаролот на хунтата по повод апсењето на генералот изјави дека никој во Тајланд не треба да заборави дека сега во државата владее Националнот Совет за ред и мир и дека на никој криминалец нема да му се простат злоделата.