САД бомбардираа цели на „Исламска држава“ кај Мосул, во ИракВашингтон, 29 август 2014 (МИА) - Американски авиони-ловци извеле пет воздушни напади врз цели на групата „Исламска држава“ во северниот дел на Ирак, соопштија американските медиуми.
Централната команда на САД соопшти дека во нападите во близина на вештачката акомулација кај Мосул биле уништени два воени џипа Хамви, тенк, четири вооружени превозни средства и градежна машина.
Ловците погодиле и контролен пункт на „Исламска држава“.
Со овие последни напади, од почетокот на ограничената воена кампања на САД, на 8 август, американските воено-воздухопловни сили во Ирак веќе изведоа 106 напади, што се насочена кон помошта на ирачките власти и курдските сили во нивната борба против групата.
|