За време на нападите и офанзивата на израелската војска на Газа, кои траеја 51 ден, палестинската страна претрпела материјална штета од околу осум, а израелската околу 4,5 милијарди долари, јави турската агенција Анадолија.
Тејсир Амр од палестинското Министерство за економија за Анадолија изјави дека неговото Министерство спровело опсежно истражување во врска со материјалната штета предизвикана од израелските напади. Ова истражување покажало дека директната материјална штета во Газа изнесува меѓу 7,5 и осум милијарди долари, од кои најголема штета е предизвикана во секторот земјоделство и градежништво. Според последните податоци на палестинското министерство за земјоделство, финансиската штета предизвикана во овој сектор за време на израелските ннапади изнесува 780 милиони долари.
Министерството за финансии на Израел соопшти дека во нападите на палестинските групи на Израел таа земја претрпе материјална штета од 4,5 милијарди долари.