Бангкок, 1 септември 2014 (МИА) – Од како во саботата го доби кралскиот указ со кој е именуван за прв човек на преодната влада на Тајланд, шефот на вената хунта, генералот Прајут Кан-окаја објави листата на новата влада во која ќе има 33 министри.
Иако не е дефинитивно оформена, се знае дека во преодната влада на премиерот Прајут ќе има 13 високи офицери, меѓу кои се началниците за воздухопловство и морнарица. Министерска позиција доби и шефот на тајландската агенција за разузнавање.
Во преодната влада Прајут именува само две жени. Министерски места добија и високи цивилни функционери кои, според проценки на генералот, чесно и одговорно ги извршувале своите должности.
Првите проценки на аналитичарите укажуваат на тоа дека со тоа што избегнал преодната влада да биде доминантно составена од армискиот кадар покажува дека генералот-премиер сака да ја избегне состојбата од претходната воена управа во Тајланд од 2006 година, кога во преодната влада имаше 90 посто офицери.