Преговорите со С. Кореја треба да бидат обновениМосква, 1 октомври 2014 (МИА) - Рускиот министер за надворешни работи Сергеј Лавров изјави дека преговорите за нуклеарната програма на Северна Кореја, треба да бидат обновени, јави ДПА.
- Обновувањето на шестраните преговори за севернокорејската нуклеарна програма е возможно, рече Лавров по средбата со севернокорејскиот министер за надворешни работи И Су-јон.
Тој, меѓутоа, потсети дека за таа цел е неопходна согласност на сите учесници во разговорите и потсети дека меѓу нив има конфронтација, што ја прави ситуацијата посложена.
Шестраните преговори почнаа во 2003 година и ги вклучуваат двете корејски држави, Кина, Јапонија, Русија и САД. Тие западнаа во ќорсокак од 2009 година.
Ова е прва посета на висок севернокорејски претставник во Русија по повеќе години.
|