Бостон, 9 октомври 2014 (МИА) - Напредувањето на Исламска држава во пограничниот сириски град Кобане е трагедија, но тоа нема да ги спречи САД и нивните сојузници од долгорочна стратегија за регионот, изјави денеска американскиот државен секретар Џон Кери.
- Кобане е трагедија бидејќи го покажува злото на ИД, но не ја дефинира ниту стратегијата ниту целосните мерки кои се преземаат како одговор на ИД, истакна Кери.
Тој посочи дека само неколку недели се гради коалицијата.
- Луѓето се уште добиваат задачи. Главна цел е да се направи простор за Ирак да постави Влада и да почне да дејствува, наведе Кери.
И покрај воздушните напади на меѓународната коалиција предводена од САД врз позициите на ИД во Кобане џихадистите зазеле една третина од градот.