Ученикот, кој вчера пукаше во школската менза во местото Мерисвил, во близина на Сиетл, убил едно лице, четири соученици ранил и на крајот се самоубил, соопшти полицијата на сојузната американска држава Вашингтон.
Четирите ранети ученици, две девојчиња и две момчиња, се погодени во глава, а тројца од нив се наоѓаат во критична состојба, пренесе Би-Би-Си.
Тасс наведува дека убиеното лице, исто така, било ученик, чија ворзаст агенцијата не ја наведува.
Претходно, агенциите ја пренесоа изјавата на портпаролот на локалната полиција, Роб Ламуру, дека е сигурно оти станува збор за само еден напаѓач и дека тој се самоубил, ранувајќи претходно седуммина, од кои тројца од погодените се префрлени во болница.
Локалните телевизии околу средното училиште Пилчак, прикажуваат мноштво полицајци и работници на Итната медицинска помош. Спроведена е и евакуација на учениците, кои во ова школо ги има околу 2.500.
Ејн Дитрич, портпаролка на ФБИ во Сиетл, соопшти дека во помош на полицијата се упатени и оперативци на оваа агенција.
Училиштето во моментов се пребарува, просторија по просторија, пред да се прогласи за безбедно.
Претходна пукотница во некоја образовна установа во овој регион, беше регистрирана на 5 јуни, кога на Пацифичкиот универзитет во Сиетл вооружен поединец уби една, а рани две лица.