Вашингтон, 27 мат 2015 (МИА) - Сирискиот претседател Башар ал Асад во интервју за телевизијата Си-Би-Ес изјави дека е отворен за дијалог со САД, но нагласи дека не смее да се дозволи да има притисок врз суверенитетот на неговата земја.
На прашањето во врска со изјавата на американскиот државен секретар Џон Кери дека Вашингтон треба да преговара со сирискиот лидер за ставање крај на конфликтот во земјата, Асад истакна дека Сирија е отворена за секој конструктивен дијалог.
- Во принцип во Сирија секој дијалог е нешто позитивно и ќе бидам отворен за секаков вид дијалог, со кого и да е, вклучувајќи ги и САД, заснован на взаемна почит, истакна Асад.
Тој изјави дека нема директна комуникација меѓу Дамаск и Вашингтон и додаде дека секој дијалог е добредојден, но само доколку нема притисок врз суверенитетот на Сирија.