Добра вест за пушачите и љубителите на слатки работи, чоколадата е корисна за крвните садови и го спречува нивното стврднување предизвикано од никотинот во цигарите.
Станува збор за црното, горчливо чоколадо со 70 или повеќе проценти какао и количина од само неколку коцки на ден. На швајцарскиот Универзитет Хоспитал, научниците ги споредиле ефектите врз здравјето на човекот што го имаат светлото млечно чоколадо и темното, следејќи ја крвната слика на 20 машки пушачи.
Научниците ја следеле состојбата на крвните садови во текот на 24 часа и по прегледите со ултразвук констатирале дека црното чоколадо значително го подобрува протокот на крв низ артериите. Неколку коцки црно чоколадо имале ефект повеќе од осум часа.
Во спротивно, кај испитаниците кои јаделе светло чоколадо не е забележана промена во состојбата на артериите.
Црното чоколадо е богато со оксиданти и стои рамо до рамо со црвеното вино, зелениот чај и шумското овошје.