Заборавете на нафтата и водата за пиење, бидејќи светот наскоро може да остане без најскапоцената слатка работа - чоколадата, без кое многумина не можат да живеат, предвидува Џон Мејсон, извршен директор на Истражувачкиот совет за заштита на природата од Гана.
- За 20 години чоколадите би можело да станат исто како и кавијарот, изјави Мејсон, нагласувајќи дека чоколадата ќе стане толку ретка и скапа, така што просечниот човек нема ќе може да си ја дозволи.
Можеби звучи неверојатно, но на ваквиот заклучок наведува едноставната пресметка за одгледувањето на какао. Одгледувањето на какао е работа која бара многу труд и време, но западноафриканските фармери кои го произведуваат, повеќе не добиваат доволен поттик да продолжат со процесот кој трае три до пет години.
Ситуацијата е многу полоша бидејќи поради зголемената обработка на земјиштето во државите како Гана и Брегот на Слоновата коска, секоја година се намалува родот на какаото, додека во меѓувреме побарувачката и потрошувачката се зголемуваат, а со тоа и неговата цена.
Првиот недостиг веројатно ќе се почувствува во форма на намален процент на какао во чоколадните производи, во кои се повеќе ќе се употребуваат алтернативните супстанции. Во 2008 година цените на чоколадите се зголемија до тој степен што поевтините производи практично не може да се наречат чоколади, бидејќи наместо од какао се произведуваат од растително масло.