Со сексот се поврзуваат сè поголем број болести. Додека многу од нив ни се веќе познати, новите откритија на научниците не се воопшто охрабрувачки. Имено, доколку на вашата партнерка сакате да ѝ го пружите задоволството кое го нуди оралниот секс, покрај инфицирање со сè поприсутниот ХПВ, се зголемува и ризикот од карцином на белите дробови.
Истражувачите од Меѓународната агенција за истражување на ракот (IARC) открија дека полово преносливиот вирус ХПВ го зголемува ризикот од заболување од карцином на белите дробови дури за 30 проценти.
- Добро е познат фактот дека ХПВ вирусот со својата мутација може да предизвика рак на грлото на матката. На истиот начин вирусот, преку слузницата на дишните патишта, може да стигне до белите дробови и да мутира, што потоа може да доведе до респираторни инфекции, додека во одреден број случаи може да резултира и во карцином, објаснува д-р Anantharaman Devasena, предводник на истражувањето.
Место за паника нема бидејки, на пример, цигарите го зголемуваат ризикот од рак на белите дробови за преку 80 проценти, кои на многумина очигледно не им се доволни за да се откажат од пушењето.
Дополнителни студии се потребни за да се утврди конкретната поврзаност на вирусот со карциномот. Без разлика што и да се докаже понатаму, држете се на страна од овој вирус. Внимавајте на хигиената, јакнете го имунитетот и секако, редовно правете гинеколошки прегледи.