Манекенката Жизел Бундшен е обвинета за сатанизам откако неодамна на насловната страница на „Вог Италија“, се појави со поза за којашто некои веруваат дека го претставува ѓаволот. Имено, критикувачите најдоа поврзаност меѓу поставеноста на супермоделот со ликот на Бафомет - еретичко-сатанско суштество од историските записи за Инквизицијата од 14. век.
-Забележете ја сличноста на положбата на нејзините раце, со линиите на буквите О и Г, облеката и боите на сатанска свештеничка - сѐ потсеќа на Бафомет“, „Зошто наеднаш црвената боја стана толку тренди?“, „Сатанската вештерка“, „Oд кога популарната естетика околу славните стана сатанска?“ - се само дел од коментарите на Твитер.
Имено, Жизел позираше за „Вог“ во црвен фустан на „Валентино“. Косата ѝ е сокриена под „залижаната“ црвена куса перика, со многу шминка и целосно избледен тен. На усните има црвен кармин, додека очите ѝ се украсени со црна сенка, а пак лицето ѝ е украсено со дијамантски обетки... Сè тоа го прави целиот нејзин изглед - доста „мистичен“.
Изгледот на Жизел го дизајнираше стилистот Иб Камара, кој е и главен уредник на списанието „Dazedж”. Инаку, манекенката досега била на дури 142 насловници на „Вог“.