Нови шокантни фотографии прикажани на судењето на Шон „Диди“ Комбс откриваат дека озлогласениот рап магнат се подготвувал за таканаречена „фрик забава“ и покрај тоа што знаел дека ќе биде уапсен.
Фотографиите им беа прикажани на поротниците додека поранешната девојка на Диди, Кеси, сведочеше на неговото федерално судење, откако претходно тврдеше како била принудена на живот исполнет со манипулации и злоупотреба.
Во понеделник, обвинителите претставија низа слики направени од органите за спроведување на законот кога Диди беше уапсен во хотелот Парк Хајат во Мидтаун Менхетен во септември 2024 година.
Раперот веќе се согласил со своите адвокати да им се предаде на властите, но во неговата хотелска соба пакувал шишиња бебешко масло и осветлување кога екипите се спуштиле во хотелот за да го приведат.
Други слики покажуваат мистериозен розов прав во мали кесички, апчиња во шишиња за апчиња, грејач со сино светло и купишта пари. Обвинителите тврдат дека некои од дрогите пронајдени во собата биле кетамин и екстази.
Кеси сведочеше во судницата дека Диди бил прецизен во врска со тоа како би сакал да се постави собата за „фрик забавата“.
Раперот имал желба постојано да се палат силно миризливи свеќи, за кои Кеси рече дека се „супер остри и се измешани со масло и други мириси“.
Таа изјави дека Комбс сакал таа да го загрее бебешкото масло пред да го користат за време на забавата.
Диди се изјасни за невин во неговото тековно судење за трговија со луѓе и рекетирање, а неговите адвокати тврдат дека сликите од „фрик забавите“ се од консензуални забави, додека тој негира какво било кривично дело.
Еден од специјалните агенти кои ја претресоа хотелската соба на Диди, Јасин Бинда, сведочеше во петокот дека федералните власти пронашле многу сугестивни и осудувачки докази во собата.
Бинда, која работи за одделот за трговија со луѓе на Истрагите за национална безбедност, рече дека бебешкото масло е пронајдено заедно со кесички лубрикант во плакарот.
-Ова е една кеса со патент полна со бебешко масло Џонсон, а гледате уште една кеса со патент полна со Астроглајд што била во плакарот во ходникот, рече таа за она што го пронашла во собата на Диди во хотелот Парк Хајат ноќта на апсењето.
Могулот изгледаше загрижено додека агентката Бинда зборуваше и ја стави раката на задниот дел од главата.
Снимките беа прикажани пред судот кратко откако Кеси беше видена на одделни слики со голема модринка на горната усна за време на нејзината врска со Комбс.
Таа рече дека повредата ја претрпела во хорор епизода во хотел во Лос Анџелес каде што Комбс бил снимен на безбедносните камери како ја клоца и гази.
Пејачката рече дека селфито го направила кратко потоа во Убер и тврдеше дека му пратила порака на Диди во која вели: Имам премиера за најголемото нешто што некогаш сум го направила во мојот живот во понеделник. Болно е да мислиш дека ова што го направи е во ред.Те молам, држи се подалеку од мене.