Менаџерот на Челзи Жозе Мурињо за англиските медиуми говореше за Радамел Фалкао како веќе да потпишал за англискиот шампион.
- Ако можам да му помогнам да се врати во старата форма, тоа ќе го направам. Ме боли тоа што јавноста мисли дека тоа е вистинскиот Фалкао. Ќе видиме колку е тој способен и се што може да направи, рече Мурињо.
Се очекува Фалкао во новата сезона да биде позајмен на Челзи, а покрај него Мурињо побара уште две засилувања и тоа на позицијата играч за врска, како и стопер.
Фалкао минатата сезона играше како позајмен фудбалер во Манчестер Јунајтед, по што требаше да се врати во неговиот клуб Монако.