Шампионот на „Копа Америка“ Уругвај со победа ја почна одбраната на титулата, додека Аргентина одигра нерешено со Парагвај на дуелите од првото коло.
Стрелец на голот за Уругвај против Јамајка беше Кристијан Родригез во 57.минута.
Аргентина го испушти водството од 2:0 со Парагвај и на крајот освои само бод. Со головите на Серхио Кун Агуеро во 29.минута и на Лионел Меси во 36.минута (пенал) „гаучосите“ имаа солидна предност. Нелсон Валдез намали на 2:1 во 60.минута, а конечните 2:2 ги постави Лукас Бариос во 90. минута.
И двата натпревара се од групата Б каде Уругвај е прв со 3 бодови, пред Аргентина и Парагвај кои имаат по 1, а Јамајка е без бод.
Вечерва се играат дуелите од Ц групата: Бразил – Перу и Колумбија – Венецуела.