Досегашниот заменик-капитен Серхио Рамос во новата сезона ќе ја носи капитенската лента во Реал Мадрид, откако Икер Касиљас го напушти кралскиот клуб, објавија шпанските медиуми.
Според информациите од Мадрид, Реал во наредните денови ќе го промовира Рамос како нов капитен и со тоа сака да го убеди да остане на Сантијаго Бернабеу, по пројавувањето желба кај него да го напушти клубот.
Интерес за ангажман на Рамос покажуваат премиерлигашите од Манчестер, Јунајтед и Сити.
Рамос во неколку наврати најавуваше можно заминување од Реал, а медиумите шпекулираа дека како главна причина за тоа е неисполнувањето на неговото барање да биде трет најплатен фудбалер во екипата веднаш по Кристијано Роналдо и Герет Бејл.