Чилеанскиот репрезентативец Артуро Видал одново е актуелен на трансфер пазарот но сега за него е заинтересиран германскиот Баерн Минхен. Фудбалерот на Јувентус кој со Чиле ја освои Копа Америка пред неколку недели беше поврзуван со трансфер во Реал Мадрид но некако тие информации бргу се „оладија“ за неколку дена подоцна Баерн Минхен да пројави интерес за него.
Според „Газета дело Спорт“ Баерн му понудил на Чилеанецот четиригодишен договор и годишна плата од 6,5 милиони евра и тој треба да го замени Бастијан Швајнштајгер кој премина во Манчестер Јунајтед. Проблем засега претставува отштетата. Баерн е подготвен да понуди 30 милиони евра но Јувентус сака 10 милиони повеќе.