И дефинитивно Вардар вечер ќе ги има посакуваните услови за да го урне АПОЕЛ и да се пласира во 3. квалификациско коло од Лигата на шампиони. Последната информација е дека останале уште 4.000 билети за дуелот со кипарскиот тим, што пак е најава за голем спектакл.
Инаку од таборот на македонскиот шампион излегоа со информација околу начинот на влез на гледачите.
„Се со цел да се олесни влегувањето на сите гледачи кои имаат купено онлајн билети ќе отвориме посебни влезови за онлајн картите на Југо-Источната трибина и на Северо-Источната трибина.
Истите ќе бидат посебно обележани и на нив ќе може да се влезе само со онлајн купените билети.
За за да влезат потребно е да го имаат испечатено ПДФ ваучерот кој само они го имаат добиено на мејл и истиот испечатен да го приложат на врата за скенирање.
Вратите на стадионот ќе бидат затворени во 19:30 часот“, стои во известувањето на официјалната интернет страница на Вардар