Македонскиот фудбалски првак Вардар вечер од 20 часот на „Филип Втори“ во Скопје ќе го пречека АПОЕЛ од Кипар во еден од деветте реванш-натпревари во 2.коло од квалификациите за Лигата на шампионите.
Се очекува најголемиот македонски стадион да биде исполнет што би требало да е мотив повеќе за „црвено-црните“ да остварат позитивен резултат.
- Не треба полниот стадион да биде притисок за нас, туку напротив, треба да даде мотиви плус. Притисок секогаш има кога се носи дресот на Вардар, па дури и на првенствените мечеви. И во македонското првенство се чувствува притисок, а да не зборуваме пред вакви големи натпреври како во Лигата на шампионите. Полн стадион треба да биде дополнителен мотив, а притисок ќе се чувствува. Особено оној притисок пред стартот на мечот. Велат дека тој притисок недостасува кога еден фудбалер ќе престане да игра фудбал, изјави Никола Глигоров кој смета дека шансите за поминување во следната фаза се 50:50.
Двојките за другите денешни средби се:
Дила Гори – Партизан (0:1 прв натпревар),
Пјуник – Молде (0:5),
Милсами Орхеи – Лудогорец (1:0),
Хелсинки – Вентспилс (3:1),
Макаби Тел Авив – Хибернијанс (1:2),
Линколн – Митјиланд (0:1),
Жалгирис – Малме (0:0) и