Италијанскиот репрезентативец Марио Балотели ќе мора да почитува одредени правила пропишани во договорот ако сака да остане во Милан, а при нивно прекршување ќе „лета“ од клубот соопштува „Газета дело спорт“. Според правилникот Марио мора да почитува 10 правила пропишани од Милан.
Како прво не смее да пуши, не смее да посетува ноќни клубови, пиењето му е ограничено. Исто така мора да се однесува пристојно на социјалните мрежи и да стави крај на екстравагантните фризури. Знаејќи какви глупости има направено Балотели во кариерата Милан му забрани и: носење на маички и дресови на други клубови, да не доцни на тренинзи, не смее да дава изјави кои можат да му наштетат на имиџот на клубот, забрането му е да презема иницијативи без договор со клубот и мора да се придржува на режимот на исхрана.