Селекторот на македонската фудбалска репрезентација Љубинко Друловиќ и репрезентативците најавија голема борбеност и максимално залагање на утрешниот дуелот со Украина.
- Влегуваме во последните две средби од квалификациите. Прво не очекува натпреварот со Украина која има големи шанси да се пласира на завршницата на ЕП. Сигурно доаѓаат многу мотивирани и можеби на хартија се фаворити, но можам да ветам дека ние ќе играме максимално борбено. Мотивирани сме да оствариме добар резултат и верувам дека ќе успееме во тоа. Очекувам поддршка од навивачите како што беше на средбата со Шпанија, изјави Друловиќ на денешната прес-конференцијата.
И стоперот Ванче Шиков се сложува дека со максимално залагање и борбеност може да се дојде до добар резултат.
- Сите треба да го дадеме максимумот и да изгинеме на теренот. Ако одиграме како со Шпанија, еден за сите – сите за еден, може да очекуваме позитивен резултат, рече Шиков.