Селекторот на македонската фудбалска репрезентација Љубинко Друловиќ ќе биде новиот тренер на белградски Партизан, пренесуваат српските медиуми.
Управниот одбор на „црно-белите“ денеска ја прифатил оставката на досегашниот стратег, Зоран Милинковиќ, поради лошите резултати во домашното првенство и го именува Друловиќ за негов наследник.
Во конкуренција за тренерското место на Партизан бил и Феликс Магат.
Од Фудбалската федерација на Македонија се уште нема коментар дали Друловиќ ќе остане на селекторското место по неговиот клупски ангажман.