Раководството и навивачите на Баерн Минхен можат да се радуваат, бидејќи тренерот Пеп Гвардиола се одлучи да го продолжи договорот со клубот, објавија германските медиуми.
Според информациите, Шпанецот ќе потпише нов двегодишен договор со Баварците и по сезона ќе заработува неверојатни 24 милиони евра.
Сегашната годишна плата на Гвардиола е околу 19 милиони евра.
На поранешниот тренер на Барселона актуелниот договорот со Баерн истекува на крајот на сезоната, а интерес за Шпанецот покажаа клубови од Англија.
Во баварскиот клуб Гвардиола дојде во 2013 година и досега освои две титули во Бундеслигата, германскиот куп 2014, УЕФА Супер Купот и ФИФА светското клупско првенство за 2013 година.