Петкратниот освојувач на „Златната топка“ Лионел Меси доби невообичаени копачки од платина од својот спонзор „Адидас“, кои го прогласија за „најдобар фудбалер на сите времиња“.Ѕвездата на Барса во понеделникот по петтипат ја освои „Балон Д’Ор“ наградата, а претходно беше прогласуван за најдобар во 2009, 2010, 2011 и 2012. Во гласањето тој ги победи Кристијано Роналдо и колегата од Барселона, Нејмар.
Копачките на Меси се модификација на сегашниот „Меси 15“ модел, креиран со вистински делови од платина. На задниот дел има четири златни точки и една од платина кои ги симболизираат „Златните топки“, а натписот „Најдобар на сите времиња“ на шпански е напишан на ѓонот на десната копачка. Логоата на Меси и „Адидас“ исто така се направени од скапоцениот метал.