Победата од 3:1 на Интер против Сампдорија се случи пред очите на поранешниот тренер на „нероаѕурите“, Жозе Мурињо. Тој беше во Милано и го следеше овој дуел, но отвори многу прашања за причината за посетата.
Иако во својата изјава се потруди да објасни дека бил во посета на пријатели, сепак, остана дилемата.
„Ова е како враќање дома. Не можам да верувам дека поминаа шест години. Како да бев тренер во Интер до пред шест дена. Интересно е секогаш кога ме прашуваат дали би бил повторно тренер тука. Зошто да не. Еден ден би можел да се вратам“, изјави Мурињо.
Сепак, има и такви вести кои говорат дека тој имал средба со Немања Видиќ кого го планира во стручниот штаб во Манчестер Јунајтед каде што очигледно ќе биде тренер од следната сезона.