Шампионот на Италија Јувентус ќе му понуди на тренерот Масимилијано Алегри да го продолжи договорот до 2019 година, објави „Тутоспорт“.
Алегри оваа година со тимот на Торино потпишаа соработка до 2017 година, но челниците на Јувентус, поради интересот на Челзи сака да го „осигура“ актуелниот тренер со цврст договор плата од 3,5 милиони евра, плус одредени бонуси.
Италијанските медиуми веруваат дека Алегри ќе се согласи на новите услови и ќе продолжи да го води Јувентус.
Со неговото доаѓање во Јувентус, Алегри значително придонесе врз игрите и резултатите. Под негово водство Јувентус минатата сезона освои „двојна титула“ во Италија и играше во финалето на Лигата на шампионите, но загуби од Барселона (3:1).