Раководството на Челзи утре ќе се сретне со селекторот на италијанската фудбалска репрезентација Антонио Конте, објави англиските медиуми. Двете страни се во финални преговори и се очекува до крајот на оваа недела да постигнат конечен договор.
Обврските на поранешниот тренер на Јувентус кон националниот тим завршуваат на лето, по Европското првенство во Франција 2016.
Се шпекулира дека еден од првите потези на Конте ќе биде обид на „Стемфорд Бриџ“ да го донесе играчот на Баерн и чилеански репрезентативец Артуро Видал, со кого соработуваше со Јувентус.
Челзи до крајот на сезоната ќе биде предводен од Гус Хидинк.