Најдобриот играч во светот, Лионел Меси, повторно е во центар на скандал со даночни измами. Неговото име се споменува во најновата афера позната како „Панама пејперс“, каде се објавени многу доверливи документи од сите сфери на живеењето.
Освен Меси, во документите се споменуваат и имињата на некогашните фудбалери Мишел Платини, Дарко Ковачевиќ, Иван Заморано, Габриел Хајнце... Ова не е првпат Меси да биде обвинет дека затајувал даноци. Тој еднаш веќе беше цел на јавното обвинителство кое побара Лео да оди во затвор 18 месеци, а дополнително да плати и парична казна од два милиони евра.