Ѕвездата на Лестер и на англискиот фудбал Џејми Варди има специјална клаузула во договорот со „Лисиците“ според која може да направи трансфер во висина од 20 милиони евра но само во клубови учесници во Лигата на шампионите. За другите таа сума е многу повисока. Но, во договорот има дополнителен услов и тоа дека сето важи во случај Лестер да не избори место во најелитното клупско европско натпреварување. Со оглед дека „Лисиците“ се шампиони кандидатите ќе мораат да почекаат идната сезона.
Самиот Варди потврди дека останува во Лестер и во новата сезона и покрај тоа што е баран од ривалите од Манчестер, Јунајтед и Сити, Вест Хем и Челзи. Варди имаше перфектна сезона во Премиер лигата, а избори и место во репрезентацијата на Англија и веќе се подготвува за настап на ЕП во Франција.