натпреварите кои ќе се играат денеска, а во рамките од последното 3.коло во групите Ц и Д, ќе бидат познати уште три селекции кои покрај Шпанија сигурно ќе играат во осминафиналето на Европското првенство во Франција.
Во терминот од 18 часот ќе започнат натпреварите од Ц групата меѓу Украина - Полска и Северна Ирска - Германија.
Водечките по двете рунди, Германија и Полска се во најповолна ситуација, бидејќи двете селекции веќе имаат освоено по четири бодови, еден повеќе од репрезентацијата на Северна Ирска, додека Украина е без освоен.
Што се однесува до групата Д, таму веќе сигурен патник во следната фаза е актуелниот шампион Шпанија, селекција која во со двете победи веќе има освоено шест бодови, па вечерашниот меч против Хрватска за „црвената фурија“ ќе биде само за престиж. Затоа пак Хрватите ќе се обидат да останат непоразени и со евентуален освоениот бод и вкупно пет, да го осигураат второто место, на кое ќе атакува Чешка која со победа над Турција и пораз на Хрватска од Шпанија би го освоила второто место. Речиси идентично како и Украина, така и Турција која досега нема освоен бод со евентуален триумф и пласман на третото место, ќе треба да се надева на поволна разврска во останатите групи па да се најде меѓу четирите трето рангирани селекции кои ќе играат во осминафиналето.
Дуелите од Д групата, Хрватска – Шпанија и Чешка - Турција ќе започнат во терминот од 21 часот.