Голманот на македонската фудбалска репрезентација до 21 година Игор Алексовски е првото летно засилување на шампионот Вардар.
Алексовски веќе е дел од „црвено-црните“ на подготовките во австриски Бад Тацмандорф.
- Чувството да се биде дел од еден вака голем клуб е прекрасно. Сите во Македонија знаеме кој е Вардар и што се има постигнато низ историјата. Едноставно може да се вброи во најдобрите на целиот Балкан. Јас како нов во редовите, одлично се вклопив и премногу сум задоволен од професионалниот начин на работа. Дел од колегите веќе ги познавам, со нив играм во младата репрезентација, со останатите се уште се запознавам. Сега за сега, целта ми е да го презентирам она што го знам на тренинзите, а за се останато останува да одлучи стручниот штаб, изјави новиот член на Вардар.
21-годишниот голман претходно бранеше за Македонија ЃП, каде изминатата сезона беше еден од клучните играчи за враќањето на клубот во Првата лига.