Севиља, 22 април 2017 (МИА) - Фудбалерите на Севиља синоќа остварија триумф во првиот дуелот од 33.коло од Примера откако на домашен терен ја совладаа Гранада со 2:0.
Стрелец на двата гола беше Бразилецот Гансо во 4 и 46.минута, а ова беа неговите први голови во дресот на Севиља.
Денеска се играат четири дуели од оваа рунда: Малага – Валенсија, Виљареал – Леганес, Осасуна – Хихон и Еспањол – Атлетико Мадрид.
Утрешните дуели ќе бидат во сенка на „Ел Класико“ меѓу Реал Мадрид и Барселона што почнува во 20:45 часот, а покрај овој натпревар играат уште: Реал Сосиедад – Депортиво, Селта – Бетис, Лас Палмас – Алавес и Еибар – Атлетик Билбао.
Табела: Реал Мадрид 75 бодови, Барселона 72, Атлетико Мадрид 65, Севиља 65, Виљареал 54, Атлетик Билбао 53, Реал Сосиедад 52,...