УЕФА ја соопштија официјалната цена на билетите за Супер Купот, кој ќе се одржи на 8-ми август во Скопје.
Подготовките на стадионот започнаа уште од кога се дозна дека Супер Купот ќе се игра токму во Телеком арената. Официјално, арената има 32.483 седишта (без ложите), но неколку од тие седишта веќе се пренаменети за ВИП личности, бидејќи ќе дојдат повеќе познати кои ќе го следат натпреварот.
Цената ја одредува токму УЕФА, а овогодинешните влезници може да се набават во неколку категории со цени почнувајќи од 15 до 50 евра. За да аплицирате за влезници, регистрирајте се овде, а повеќе информации дознајте на официјалната страна на УЕФА. Аплицирањето трае од денес па се до 4-ти јули до 14 часот. Исто така, доколку сакате да направите и некои промени, истите може да ги направите и до 4-ти јули.