Тимот од Санкт Петербург доаѓа во нашиот главен град со преку 200 минути непостигнат гол над противниците.
Зенит повторно не успеа да постигне гол, на вториот меч по ред и во Скопје, му доаѓа на мегдан на Вардар без да ја затресе противничката мрежа над 200 минути.
Вчера, Зенит одигра 0:0 во Москва, против Динамо и може да ја загуби лидерската позиција ако Локомотив од Москва победи. Претходно, клубот до Санкт Петербург ремизираше без голови и со Ростов, па последен стрелец на трите последни натпревари за следниот ривал на Вардар е Кокорин. Тој погоди во 61. минута за победа против Амкар од 1:0.
Зенит нема пораз во деветте кола досега и има 6 победи и 3 порази со гол-разлика 16:3.
СЛАБА ФОРМА ВО ПОСЛЕДНО ВРЕМЕ
За слабата форма на Зенит во последно време кажуваат и резултатите. Тој во плејофот едвај и на мускули успеа да го добие тимот на Утрехт на два натпревара. Рускиот гигант одигра без голови на домашен терен со Ростов, а сега не го „проби“ ниту Динамо. За неговата криза кажува и статистиката, која вели дека тој не упатува многу удари кон противничкиот гол.
Меѓутоа сето тоа може да биде и „контрапродуктивно“ со оглед дека скапо платените играчи во секој момент може да експлодираат и по двата неефикасни натпревара, да се распукаат. Но, се надеваме дека нема да биде така в четврток, особено ако доаѓаат кај тим кој има само победи на домашен терен во европските купови.