Нион, 10 јули 2020 (МИА) – Ждрепката за четвртфиналето, полуфиналето и финалето на Лигата на шампионите ќе се одржи од 12 часот напладне во седиштето на Европскиот фудбалски сојуз (УЕФА) во Нион. Со извлекување на паровите, ќе откриеме кој ќе се натпреварува во завршницата на елитното натпреварување, кое за прв пат во историјата ќе се игра во „Ф8“ формат.
Ждрепката во Нион ќе има три дела – во првиот ќе се поврзат паровите од четвртфиналето, во вториот ќе знаеме кој со кого ќе се сретне во полуфиналето, додека во третиот, од административни причини, ќе биде избран „домаќин“ на финалето.
Да потсетиме, финалето од Лигата на шампионите ќе се игра во Лисабон, каде сите парови ќе играат за еден триумф на два стадиони („Луж“ и „Хозе Авалад“).
Аталанта, Атлетико Мадрид, Лајпциг и Париз Сен Жермен напредуваа во четвртфиналето пред паузата поради коронавирусот, додека четворицата преостанати учесници ќе ги знаеме по реваншот.
Тие нема да се играат во Лисабон, туку на стадионите на клубовите домаќини, а ќе се сретнат Баерн Минхен – Челзи (3:0), Барселона – Наполи (0:0), Манчестер Сити – Реал Мадрид (2:1) и Јувентус – Олимпик Лион. (0:1).
Реваншот е закажан за 7 и 8 август, додека „Ф8“ ќе се одржи помеѓу 12 и 23 август.
Лигата на шампионите, а претходно и Купот на шампиони, никогаш не се играл во овој формат.