Поранешниот фудбалер за врска на Барселона и Шпанија, Андрес Иниеста одлучи да се пензионира, пренесува „Relevo“.
Според шпанскиот спортски портал, 40-годишниот Иниеста својата одлука ќе ја соопшти на 8 октомври.
Последен клуб на Иниеста беше Емирати од Обединетите Арапски Емирати, за кој настапуваше во сезоната 2023/24.
Во текот на својата кариера, играчот од средниот ред играше за Барселона и Висел Кобе.
Во составот на Каталонците, Иниеста девет пати стана шампион на Шпанија, шест пати го освои националниот куп и четири пати ја освои Лигата на шампионите. За шпанската репрезентација одигра 131 натпревар и постигна 13 голови.