Премиерлигашот Манчестер Јунајтед планира да се раздели со 32-годишниот дефанзивец Хари Мегваер и на негово место тоа да го ангажира 22-годишниот фудбалер на Евертон, Џаред Брантвејт, објави TEAMtalk.
Според истиот извор, Јунјатед долго време ја разгледувал можноста да го продаде Мегваер, но трансферот бил попречен во последните два преодни рока поради високите барања за плата на Англичанецот.
Сега Јунајтед е подготвен да инвестира во млад централен дефанзивец, а според англиските медиуми Евертон за услугите на Брантвејт бара сума од околу 80 милиони фунти.
Мегваер го носи дресот на Манчестер јунајтед од 2019 година. Досега за тимот од „Олд Трафорд“ одигра 234 натпревари.
Неговиот договор со Јунјатед е до лето 2026 година. Пазарната вредност на Мегваер се проценува на 15 милиони евра.