Тренерот на Аталанта, Џан Пјеро Гасперини е разочаран од нерешениот исход со Лече во 34. коло од Серија А.
Аталанта синоќа одигра 1:1 и пропушти шанса да се доближи до водечките Наполи и Интер.
-Не очекував ваква игра, би ја оценил како ужасна. Примивме гол, потоа како малку да се подобривме, успеавме да израмниме. Имам чувство дека луѓето не ги разбираат предизвиците со кои се соочуваме. Тие се однесуваат како Аталанта лесно да се квалификува во Лигата на шампионите, но треба да ги погледнеме оние кои се зад нас на табелата, рече Гасперини по натпреварот.
Аталанта има 65 бодови и е на 2. место во Серија А. Лече е на 17. место со 27 бодови.