Фудбалскиот клуб Башкими преку соопштение реагираше на најавите на Фудбалската федерација на Македонија (ФФМ) и министерот за спорт, Борко Ристовски за казни, по вчерашниот контроверзен гол против Кожуф во дуел од Втората македонска фудбалска лига (ВМФЛ) на гостинскиот тим во Гевгелија.
Оттаму велат дека мечот против Кожуф бил чист, и дека со голема заслуга ги освоиле трите бода.
„Загрижени и огорчени поради оркестрираните напади врз нашиот клуб, врз гордоста на Куманово и спортскиот колектив кој направи многу за спортот, културата и младите! КФ Башкими 1947 не е само клуб, туку семејство создадено со децении, со многу труд, пот и жртва.
КФ Башкими 1947, ги осуетува злонамерниците бидејќи сега е посилен од кога било, сега го оживува сонот на многу кумановци кои се страствени за спортот, особено за фудбалот.
КФ Башкими 1947 беше најкомплетниот тим оваа сезона, и во однос на инфраструктурата, тимот и навивачите. Ние сме тимот со најголем број навивачи на стадионите. Ние сме силата и наследството на многу генерации.
Оваа сезона беше совршена, беше сезона во која нашиот сон се прероди, сезона во која имавме многу посебни, но и разочарувачки моменти, но сите ги прифативме како дел од спортот. Тим Фер Плеј, тим кој промовираше многу таленти и емоции. Ова го постигнавме само преку спортски дух.
Денешниот настан во Гевгелија, каде што се крена невидена прашина, нашиот клуб беше цел само за да ни го прекине патувањето. Нашиот клуб, со највисока одговорност, ги информира сите дека секој натпревар, вклучително и овој против Кожуф, беше чист и со голема заслуга освоивме три бода, во нашата борба за пласман во Првата лига!
Цврсто веруваме дека овој напад ќе биде поразен, бидејќи нема факт, аргумент или индикација дека нашиот клуб не играл фер-плеј. Со надеж за правда и спроведување на законот, ве покануваме во сабота во 17:00 часот, на дербито на неделата против Детонит“, стои во реакцијата на ФК Башкими.