Менаџерот на Челси, Енцо Мареска, призна дека е многу задоволен од настапот на новиот напаѓач на тимот, Лиам Делап, кој беше донесен од Ипсвич непосредно пред почетокот на Светското клупско првенство.
Напаѓачот постигна еден од головите во победата од 3-0 над тунискиот Есперанс.
Челси плати 30 милиони британски фунти на Ипсвич за правата на играчот, а тој ќе го замени Николас Џексон, кој доби црвен картон, во натпреварот против Бенфика во осминафиналето во сабота.
-Среќен сум што Лиам постигна гол за нас, но имаше и три чисти шанси против Фламенго, што значи дека се адаптира и е на вистинската позиција. Знаеме дека Лиам ќе постигнува голови за нас, немаме сомнежи, изјави Мареска.