Претседателот на Фудбалската федерација на Црна Гора, Дејан Савичевиќ, бил приведен изминатата ноќ на подрачјето на Херцег Нови поради неколку сообраќајни прекршоци, јавија денеска локалните медиуми.
Според извештаите, на Савичевиќ му била изречена парична казна, по што бил ослободен.
Савичевиќ, според прекршочната пријава на полицијата. бил изведен пред судот поради пребрзо возење и престигнување на полна лента.
Неофицијално, Савичевиќ, кој и претходно беше осудуван за слични прекршоци, одбил да му биде извршен алкотест.
Савичевиќ од 2001 година е претседател на Фудбалската федерација на Црна Гора, а неодамна му беше доверен нов четиригодишен мандат.