Швеѓанецот не се плаши како ќе го дочекаат навивачите на "Џузепе Меаца" кога за една недела ќе пристигне со својот нов клуб. Ги потсетува навивачите на Интер дека со неговото доаѓање во клубот Интер успеа да освои титула после 17 години. Како сега стојат работите, поради бацувањето на знакот на Барселона и поради некој коментари во последниве неколку дена Ибрахимовиќ нема да биде добро пречекан, и сигурно ќе има навреди од трибините. Златан многу не се плаши од тоа. "Не ме интересира, искрено не ни размислувам за тоа. Знам дека еден дел од оние правите навивачи го цени тоа што го направив за Интер. Оние останатите ќе ги потсетам дека Интер немаше освоено титула 17 години пред да дојдам јас во клубот, а после тоа три пати по ред беа шампиони. За мене тоа е доволно", изјави Швеѓанецот.