Откако во летниот преоден рок од Интер пристигна во Барселона, Златан Ибрахимовиќ ќе мора повторно да се врати на Џузепе Меаца каде идната недела ќе игра против својот поранешен клуб во првото коло од групната фаза од Лигата на шампионите. Во пресрет на натпреварот во Милано, шведскиот репрезентативец е загрижен поради начинот на кој ќе биде пречекан од навивачите на италијанскиот шампион.
"Како ќе бидам дочекан во Милано? Искрено, не знам. Верувам дека навивачите го разбираат она што го дадов за клубот и дека пред моето доаѓање Интер немаше освоено титула полни 17 години. Од моментот кога пристигнав клубот освои три по ред. Верувам дека нема да ме пречекаат со свирежи и негодувања", изјави Ибрахимовиќ.
Шведскиот репрезентативец веќе одигра неколку натпревари за каталонскиот клуб, во кој не блеска, меѓутоа успеа да запише еден гол досега во премиерното коло, а има шанса за нов бидејќи Барса гостува кај аутсајдерот Гетафе оваа сабота.