Аргентинските медиуми жестоко го критикуваат селекторот Диего Марадона за слабите резултати во квалификациите за Светското првенство. Стравот дека "гаучосите" нема да се пласираат во Јужна Африка е сосема реален, а еден од љубимците на нацијата е означен како главен виновник. Бројните медиуми дури го повикуваат Марадона да поднесе оставка и така да ја "спаси нацијата".
"Од својата 15-та година се борам со критиките на новинарите. Минаа 23 години и таа борба трае и понатаму. Ќе продолжам да се борам се до последната капка крв" - прокоментирал Марадона.
Нацијата ја изгуби и довербата во својот идол Лионел Меси.
"Меси во репрезентацијата е бледа сенка на играчот кој блеска во Барселона. Тој бега од одговорност во моментите кога не ни оди и се прави слеп. Не се однесува ниту малку јуначки. Резултатите се последица на тоа." - напиша аргентинскиот дневник "Оле".
Табела: Бразил 33 бода, Парагвај 30, Чиле 27, Еквадор 23, Аргентина 22, Уругвај и Венецуела 21, Колумбија 20, Боливија 12, Перу 10.