Масимо Морати, претседател на миланскиот фудбалски клуб Интер, признал дека е голем обожавател на Горан Пандев и дека инсистирал и сеуште инсистира, напаѓачот на Лацио да потпише за “црно-сините“, објавува ЕСПН Спорт, пренесува Спортнет.
“Ѕвездата на Лацио воопшто не им е од корист на ’сино-белите’, бидејќи не настапува за тимот, откако во август, годинава, најави дека сака да замине. Моментниот договор на македонскиот интернационалец истекува на лето, па така се поголема е можноста дека Лацио ќе се опари од него уште во јануари“, се вели во веста.
“Пандев е име за кое многу прочитав во печатот. Но, досега немав никаков дијалог со раководството на Лацио, за негово доаѓање во Интер. Пандев е одличен и голем играч, и в година со задоволство би го гледал како игра“, изјавил Морати.